Əldə etdiyimiz məlumata görə hansısa naməlum mənbədən bəzi mətbuat orqanlarına guya ki "Piruz Dilənçinin CAMAH Bakı komitəsinin sədrliyindən azad edilməsi" barədə uydurma məlumat yayılmışdır. Biz qərəzli və ruhi xəstəliyi olan bu şəxslərin belə hərəkətlərini təxribat kimi qiymətləndirir və bir daha ictimaiyyətin diqqətinə çatdırırıq ki, CAMAH-ın nizamnaməsinə əsasən komitə sədrlərini yalnız qurultay təyin edir və azad edilməsi də onun səlahiyyətindədir. Təşkilatın son qurultayı isə ötən ayın 8-dən 10-a qədər Kərəc şəhərində keçirilmiş və Bakı komitəsinin sədri Piruz Dilənçi ciddi tənqidlərə məruz qalaraq səlahiyyətlərinin bir hissəsi ondan alınmış və mərkəzi komitəyə tapşırılmışdır. Mərkəzi komitə isə dərhal Bakı komitəsinin məsul nümayəndələrinin bəzilərini bu tərtiblə təyin etmişdir: (MK-nin qərarından çıxarış):
"Ötən aylar ərzində yol verdiyi ciddi səhvlərə görə Piruz Dilənçiyə xəbərdarlıq edilərək Bakı komitəsinin sədrliyində tapşırılmış öhdəlikləri həyata keçirməkdə davam etdirsin, Doktor Nasir Azəri mətbuat katibi, Barışmaz Cəlaloğlu təşkilat katibi, Həmid Muğanlı beynəlxalq əlaqələr üzrə sədr müavini, Fəridə xanım Məmmədli isə qadınlar şurasının sədri təyin edilsin". 
Biz haqqında söhbət gedən uydurma məlumatı, CAMAH-a qarşı nöbəti təxribat kimi qiymətləndirir və KİV nümayəndələrinin diqqətinə çatdırırıq ki, bundan sonra CAMAH-dan daxil olan hər hansı bir sənəd və yaxud məlumat təşkilatın aşağıda nümunəsi göstərilən möhrü ilə təsdiqlənəcək.