Azərbaycan türkcəsində | English version | فارسی / عرب اليفباسی ايله  
CAMAH
CAMAH

Video arxiv
CAMAH-ın piketləri, TV kanallarından xəbərlər, canlı müsahibələr və saatlarla video filmlər
Təşkilat
İzah
Nizamnamə
Məramnamə
Xəbər arxivi
CAMAH-ın 10 illik xəbər arxivi Güney Azərbaycanın mövcud ən böyük xəbər mərkəzi olaraq, eyni ilə xidmətinizdə
Ədəbiyyatı
Cənubi Azərbaycan ədəbiyyatını təmsil edən şairlərin yaradıcılığından parçalar
Qarabağ
2002-ci ildə Qarabağ müharibəsində iştirak etməyə hazırlıq kampaniyasına qatılanların siyahısı
Foto arxiv
Foto arxivimizdən nümunələr
Bakı
Bakinin hava durumu
VİLAYƏT QULİYEV TƏBRİZİ AYAĞA QALDIRB !
08.05.2000

May ayının 3-ü keçirilmiş mətbuat konfransında Azərbaycanın Xarici İşlər Naziri Vilayət Quliyevin Cənubi Azərbaycanlıların hüquqlarının təmin olunması ilə bağlı söylədiyi fikirlər fars rejimini hiddətləndirdiyi qədər, cənubdakı hərəkatçıların ruhlanmasına səbəb olmuşdur. Doktor Çöhrəqanlının həbsindən sonra zahirdə olsa da belə, müəyyən qədər sakitləşmiş Təbriz millətçiləri artıq üç gündür ki, şəhərdə müxtəlif bəyanatlar yayaraq Vilayət Quliyevi dəstəklədiklərini bildirirlər.
Azərbaycanın İrandakı səfiri Abbasəli Həsənovun İran rəsmiləri ilə üst-üstə düşən fikirlərindən təəccüblənən cənublu soydaşlarımızın yaydığı bəyanatların birində deyilir: «Azərbaycanın otay-butayı yoxdur. Vilayət quliyev otayın naziridirsə, butayın sevimli ziyalısı və mədəniyyət nümayəndəsidir. Onun mövqeyini qısqanclıqla qarşılayan İran rəsmiləri və Abbasəli Həsənov cənablarına bildirməliyik ki, V.Quliyev İranın daxili işlərinə qarışmayıb. O, sadəcə ömür boyu əsarətdə saxlanılmış qan qardaşlarının dərdini dilə gətirmişdir».
Həmin məsələ ilə bağlı CAMAH Mərkəzi Komitəsi də bəyanat qəğul etmişdir. CAMAH-ın Təbrizdə yaydığı bəyanatında deyilir: «A.Həsənov kimi şəxslərin Azərbaycanımızın milli imicinə gətirdiyi xələl, az qala Azərbaycan Respublikasının müstəqil bir dövlət olduğunu da şübhə altına sürükləməkdədir. O, hüquqi statusla Azərbaycan dövlətinin səfiri olsa da, əslində totalitar İran rejiminin köləsi kimi fars şovinizminin anti Azərbaycan təbliğatına qol-qanad verərək öz hərəkətlərini guya ki «diplomatik addımlar» kimi qələmə verməyə cəhd göstərir. Biz 30 milyonluq Cənubi Azərbaycan türkləri adından cənab Vilayət Quliyevin mövqeyini dəstəkləyir, xalqımızın sevgi və sayğılarını ona çatdırırıq».
CAMAH Mərkəzi Komitəsinin bəyanatında həmçinin Azərbaycan prezidentinə müraciətlə A.Həsənovun İrandan geri çağırılması tələbi də irəli sürülmüşdür.
V.Quliyevin söylədiyi fikirlər İranın rəsmi mətbuatında da birmənalı əksini tapmamışdır. Ölkənin əsas rəsmi mətbuat orqanlarından sayılan «İran» və «Keyhan» qəzetləri Azərbaycanlı nazirin məhz ABŞ səfərindən sonra belə bir mövqe nümayiş etdirməsini Amerikanın sifarişi kimi qələmə verirlər.


Qrupumuz
Vahid Azərbaycan qrupu
CAMAH-ın şəhidi
Cənubi Azərbaycan Milli Azadlıq Hərəkatının ilk şəhidi
Əlaqə
Təşkilatın və saytın məsulları ilə əlaqə saxlaya bilərsiniz
Təbriz
Tebrizin hava durumu

  Açılış səhifəsi et Seçilmişlərə əlavə et Əlaqə Saytda axtarış Powered by: Analytical Information Center of SANLM    The use of images and content on this website is completely free 2002 - 2018