Azərbaycan türkcəsində | English version | فارسی / عرب اليفباسی ايله  
CAMAH
CAMAH

Video arxiv
CAMAH-ın piketləri, TV kanallarından xəbərlər, canlı müsahibələr və saatlarla video filmlər
Təşkilat
İzah
Nizamnamə
Məramnamə
Xəbər arxivi
CAMAH-ın 10 illik xəbər arxivi Güney Azərbaycanın mövcud ən böyük xəbər mərkəzi olaraq, eyni ilə xidmətinizdə
Ədəbiyyatı
Cənubi Azərbaycan ədəbiyyatını təmsil edən şairlərin yaradıcılığından parçalar
Qarabağ
2002-ci ildə Qarabağ müharibəsində iştirak etməyə hazırlıq kampaniyasına qatılanların siyahısı
Foto arxiv
Foto arxivimizdən nümunələr
Bakı
Bakinin hava durumu
CAMAH-ın NÖVBƏTİ QURULTAYI KEÇİRİLDİ

08.07.2000



Əvvəlcədən hazırlanmış proqram əsasında iyul ayının 8-dən 10-a qədər İranın Kərəc şəhərində CAMAH-ın qurultayı keçirilmişdir. Tamamı ilə məxfi və qapalı şəraitdə keçirilən qurultayda CAMAH-ın bəzi ölkələrdəki təmsilçi və məsul nümayəndələrinin əksəriyyəti iştirak edirdilər. Onların sırasında Bakı komitəsindən Piruz Dilənçi və Barışmaz Cəlaloğlu da var idi. üç gün müddətində üst-üstə 18 saat davam edən qurultayın əsas müzakirə mövzuları bunlardan ibarət olmuşdur:
1. Cənubi Azərbaycan Milli Azadlıq Hərəkatının lideri Doktor Mahmudəli Çöhrəqanlının həbs müddəti sona yetmək ərəfəsində olduğu üçün, azadlığa buraxılıb və yaxud buraxılmayacağı təqdirdə CAMAH-ın daxil və xaricdəki tədbirlərinin proqramı,
2. Təşkilatın nizamnamə və məramnaməsində bir sıra dəyişikliklərin aparılması,
3. Bəzi ölkələrdəki səlahiyyətli təmsilçilərin dəyişdirilməsi.
Cəmi üç iclasdan ibarət olan qurultayın bir iclası bütövlüklə təşkilatın Bakı komitəsində baş vermiş son olaylara həsr edilərək ötən aylar müddətində yol verdiyi səhvlərə görə Piruz Dilənçi tənqid atəşinə tutulmuş və CAMAH-ın Bakıdakı Məsul təmsilçiliyindən azad olunması barədə təklif irəli sürülmüşdür. Uzun müzakirələrdən sonra P.Dilənçiyə xəbərdarlıq edilərək səs çoxluğu ilə hələlik şərti olaraq Bakı komitəsinin sədrliyində qalmasına razılıq verilmişdir. Lakin nizamnamədən kənar istisna hal kimi Bakı komitəsində məsul kadrların təyin edilməsi səlahiyyəti P.Dilənçidən alınaraq mərkəzi komitənin öhdəliyinə verilmişdir. Beləliklə həmin iclasda çıxarılan qərara görə Doktor Nasir Azəri CAMAH Bakı komitəsinin mətbuat katibi, Həmid Muğanlı beynəlxalq əlaqələr üzrə sədr müavini, Fəridə xanım Məmmədli isə qadınlar şurasının sədri təyin edilmişdir.
CAMAH Analitik İnformasiya Mərkəzinin rəhbəri Barışmaz Cəlaloğlu ötən bir ildəki ciddi fəaliyyətlərinə görə qurultay iştirakçıları tərəfindən alqışlanmış və yeni təyinatla o, təşkilat katibi vəzifəsinə təyin edilmişdir.
Qurultayda Azərbaycan Qurtuluş Təşkilatının, Güney Azərbaycan Türk Dirçəliş Təşkilatının, Doktor Çöhrəqanlının Hüquqlarını Müdafiə Komitəsinin və Təbriz Tələbə Hərəkatının bir qrup məsul nümayəndəsi də qonaq qismində iştirak edirdilər.


Qrupumuz
Vahid Azərbaycan qrupu
CAMAH-ın şəhidi
Cənubi Azərbaycan Milli Azadlıq Hərəkatının ilk şəhidi
Əlaqə
Təşkilatın və saytın məsulları ilə əlaqə saxlaya bilərsiniz
Təbriz
Tebrizin hava durumu

  Açılış səhifəsi et Seçilmişlərə əlavə et Əlaqə Saytda axtarış Powered by: Analytical Information Center of SANLM    The use of images and content on this website is completely free 2002 - 2018