09.04.1999-cu il tarixdə İranın Bakıdakı Səfirliyi qarşısında CAMAH tərəfindən keçirilən piketin Q Ə T N A M Ə S İ 09.04.1999 Təbrizdə baş vermiş məlum son hadisələr nəticəsində artıq Cənubi Azərbaycanın bütün şəhərləri ayağa qalxmaqdadır. Fars şovinizminin məmurları milli hərakatı yatırtmaq niyyəti ilə Urmiyyə, Təbriz və Zəncan kimi böyük şəhərlərdə elan olunmamış fövqüladə vəziyyəti tətbiq etməklə kütləvi həbslər yolu ilə xalqımızın haqlı səsini boğmağa cəhd göstərir. Bu niyyətlə də milli hərakatın liderlərindən Doktor Mahmudəli Çehrəqaniyə təzyiqləri gücləndirməkdədirlər. Doktor Çehrəqaniyə verilmiş işgəncələr nəticəsində, bu gün milli qəhrəmanımız ölüm təhlükəsi qarşısındadır. Biz piket iştirakçıları Tehran rejiminə xəbərdarlıqla aşağıdakı tələbləri irəli sürürük: 1. Son günlər Cənubi Azərbaycanın müxtəlif şəhərlərində həbs olunan soydaşlarımız heç bir qeyd şərtsiz azadlığa buraxılsın. 2. Doktor Mahmudəli Çehrəqaninin vəhşicəsinə tapdalanmış hüquqları bərpa edilsin.  3. Doktor Mahmudəli Çehrəqaninin müalicəsi niyyəti ilə Təbrizə həkim qrupu göndərilməsi barədə təcili tədbirlər görülsün. 4. Təbrizdə Azərbaycan konsulluğu açılsın. Əks təqdirdə Naxçıvan Muxtar Respublikasındakı ıran casusxanası (konsulluğu) bağlanılsın.