Fars şovinizmini təmsil edən rəsmi Tehran, Cənubi Azərbaycan torpaqlarının işqalı ilə kifayətlənməyərək, şimali Azərbaycana göz dikmiş, buradakı müstəqil döalətimizi də öz müstəmirə və müstəmləkəsinə cevirmək əzmindədir. O, bu xam yuxusunu həyata kecirmək niyyəti ilə hər hansı bir məkirli hiləyə əl atmaqdadır.
Azərbaycanda müxtəlif örtüklər altında fəaliyyət göstərən İran casusluq şəbəkələri ifşa olunduqca, yeni qruplar onların yerinə tə`yin edilir.
İslam Partiyasının məlum əməlləri, qanunsuz yollarla İrana aparılan Azərbaycanlı gənclər, ticarət mərkəzləri adı altında fəaliyyət göstərən casusluq yuvaları və onlarla belə faktın baş verdiyini sankı görməyən Bakıdakı Tehran rəsmisi Əlirza Bigdeli, Azərbaycan hüquq mühafizə orqanlarının bəyanatlarını «əsassız» qələmə verməklə, həqiqətləri təkzib etməyə cəhd göstərir. 
CAMAH Təşkilat Komitəsi, həmişə olduğu kimi bütün var qüvvəsini səfərbər edərək, Azərbaycanımızın Tehran təhlükəsindən qorunması naminə İran casuslarının kəşfi və ifşası ilə məşqul olmuş və olmaqdadır.
Səfir Bigdeli öz iddialarının ağ yalan olduğunu, özü hamıdan yaxşı bilir. Lakin bilməyənlərin nəzərinə İran Təhlükəsizlik (Ettelaat) Nazirliyinin Azərbaycandakı onlarla casusluq, təbliğat və təxribat şəbəkəsinin yalnız birini catdırmaq istərdik. Qoy cənab səfir bilsin ki, ondan başqa hec kəs əsassız bəyanat vermir!
1994-cü ilə xas olan aşağıdakı siyahi, yalnız bir şəbəkəyə aiddir. (Məlumat təhlükəsizlik mahiyyəti baxımından «yanmış» olduğundan acıqlanır).
1. Fərəcullah Abidi (Bakı İslam Mərkəzinin rəisi).
2. Qoreyşi (həmin mərkəzin rəis müavini).
3. Fərrüxi (Göyçay rayonu üzrə baş təbliğatçı).
4. Qeybi (Ağdam rayonu üzrə baş təbliğatçı).
5. Müdəbbir və Aşuri (Gəncə şəhər üzrə baş təbliğatçılar).
6. Əlla Kənani (Lənkəran şəhər üzrə baş təbliğatçı).
7. Kazımzadə (Xomeyni adına yardım komitəsinin Bakıdakı nümayəndəsi). 
8. Təbatəbai (Masallı rayon üzrə baş təbliğatçı).
9. Muradzadə (İslami Təbliğat Təşkilatının qaçqınlar düşərgəsi üzrə nümayəndəsi).
10. Qurban Kərmixani (Bakı İslam Mərkəzinin maliyələşdirdiyi «Qələm» qəzetinin Tehran tərəfindən təyin edilmiş redaktoru).
11. Rəsul Xeyzərlu (Quba rayon üzrə baş təbliğatçı).