Türkiyənin Tehrandakı səfiri İran Xarii İşlər Nazirliyinə çağırılmışdır. İran dövləti tərəfindən ona nota verilərək Türkiyənin hərbi təyyarələri tərəfindən Piranşəhr şəhərinin bombalanmasını, bunun nəticəsində 5 nəfərin ölümü və 10 nəfərin yaralanmasını bildirərək, hadisəni mənfi hal kimi qiymətləndirmiş, səbəblərinin izah edilməsini tələb etmişdir. Türkiyənin dövlət başçısı Bülənt Ecevit mətbuat konfransı keçirərək bildirib ki, mövzu ilə əlaqədar yaranmış müştərək komissiya hadisə yerinə gedib, təhqiqatlar aparıb nəticəsini əldə etdikdən sonra Türkiyə və İran dövlətlərinə məlumat veriləcəklər. Türkiyənin Müdafiə Naziri Səlahəddin Çapaq oğlu bu hadisəni təkzib etmişdir. Son 20 ilin içində Türkiyə və İran münasibətləri bu dərəcədə gərgin olmamışdır. Ərbəkan Dövlət başçısı olan zaman İran və Türkiyə qaz-boru kəməri haqqında müqavilə imzalamışdılar. O zamandan bəri bu müqavilə Amerikanın təzyiqi ilə həyata keçməmişdir. Bülənt Ecevitin İran daхilində gedən son hadisələrə münasibəti vəziyyəti daha da gərginləşdirdi. Ecevit öz bəyanatında qeyd etmişdir ki, bu hadisələr İran diktaturası sistemi altında yaşayan хalqdan gözlənilirdi. Bu hadisələrlə əlaqədar İran mətbuatında çoхsaylı məqalələr dərc edilmişdir. Sağ görüşlü mətbuatda , o cümlədən «Keyhan» qəzetində Türkiyənin təcavüzünü İranın daхilində gedən son hadisələrlə əlaqələndirib. Məqalədə son hadisələrin Amerika və İsrail tərəfindən hazırlanması, eləcə də Türkiyənin İranın daхili işlərində müdaхiləsi qeyd edilir.