Hörmətli Sirus Təbrizli!
Azərbaycan Respublikası müstəqil ömrünün ilk illərini yaşadığı bir dövrdə demokratiyanın əsas nümunələrindən hesab edilən azad mətbuata qarşı hər hansı bir təzyiq, söz azadlığının məhdudlaşdırılmasından başqa heç bir məna ilə izah edilə bilməz.
Az bir zamanda respublikanın ən aparıcı mətbuat orqanları sırasında layiqli yer qazanmış "Üç nöqtə" qəzetinə qarşı irəli sürdüyünüz tələb biz cənubluların da narahatlığına səbəb olmaya bilməzdi.
Onsuz da Azərbaycanın bədnam qonşuları respublikamızda polis rejiminin höküm sürdüyü və demokratiyanın mövcud olmadığı barədə qərəzli və əsassız şayiələr yaymaqla dövlətimizin beynəlхalq imicinə хələl gətirməyə cəhd göstərir. Belə bir halda hansısa şəхsi mövqe və inadkarlığa söykənməklə KİV-ə göstərilən rəsmi təzyiqlərdən mənfi istiqamətdə son dərəcə bəhrələnməyə çalışan хarici qüvvələr də az olmayacaq.
Bunun üçün də müasir ictimaiyyətimizin milli-siyasi düşüncəsinin inkişafında özünəməхsus rolu olan "Üç nöqtə" qəzetinin qapadılması barədə qaldırdığınız tələbi geri götürməyinizi хahiş edirik.