TƏBRİZ HƏBSXANASINDA ACLIQ AKSİYASI
21.01.2000

99-cu il dekabr ayının 11-dən Təbrizdə başlanmış kütləvi həbslər bu günün özündə də davam edir. Mitinq zamanı həbs edilmiş 350 nəfərin təxminən 100 nəfərindən iltizam alınaraq zəmanətlə azadlığa buraxılması barədə məlumat vermişdik.
CAMAH-ın Təbriz komitəsindən aldığımız məlumata əsasən Ettelaatın Təbriz şəhəri, Bağe Şomal məhəlləsində yerləşən təcridxanasında saxlanılan məhbusların 21 nəfəri dünən səhərdən etibarən aclıq aksiyasına başlayıblar. Məhbuslar, heç bir qanuni səbəb olmadan saxlanıldıqlarına etiraz əlaməti olaraq belə bir addım atıblar.