22.08.2001

Bu gün səhər (gecə yarısı) saat 3 rədələrində CAMAH Bakı Komitəsinin sədri Piruz Dilənçinin Bakı şəhəri Qulam Yəhya Küçəsi No: 50-də yerləşən mənzilinə silahlı basqın edildi.
Əvvəlcə mənzilin qapısını, sonra da Piruz Dilənçini güllə atəşinə tutan naməlum şəxslər, dərhal hadisə yerindən uzaqlaşdılar.
Hadisə yerinə ilk öncə əhali, daha sonra təcili tibbi xidməti işçiləri, polis qrupu, təhlükəsizlik nazirliyinin əməkdaşları və prokurorluğun rəhbər nümayəndələri gəldilər. Bütün araşdırmalar və axtarışların operativ aparılmasına baxmayaraq, təəssüflə terroristlər yaxalanmadılar.
Güllə atəşi açan əsas şəxsin foto robotu Bakı Şəhər Baş Polis İdarəsinin mütəxəssisləri tərəfindən hazırlanaraq, barəsində axtarış elan olundu.
Hadisə ilə bağlı (ölümə qəsd) faktı əsasında Xətai Rayon Prokurorluğunda cinayət işi qaldırılmış və istintaq aparılır.
Bu, son on ildə İran terroristləri tərəfindən Piruz Dilənçiyə qarşı edilmiş birincisi sui-qəsd deyil idi. Buna bənzər hadisələr bu günə qədər bir neçə dəfə təkrarlanmışdır.