TÜRKİYƏNİN TEHRANDAKI DİPLOMATINI YATMAĞA QOYMADILAR!
24.07.1999

Gecə saat 2-də Türkiyənin Tehrandakı səfiri təcili olaraq İranın Xarici İşlər Nazirliyinə çağırıldı. İran Xarici İşlər Nazirliyi Türkiyənin nizami qüvvələrinin İran sərhədində olan «qotur» məntəqəsinə 2-ci dəfə olaraq təcavüz etdiyini bildirərək, səfirin bu barədə izah verməsini tələb etdi.
Türkiyənin Baş naziri Bülent Ecevit jurnalistlərə müsahibəsində bu hadisələrə münasibətini bildirdi. O 2 Türkiyə əsgərinin səhvən İran torpaqlarına keçməsini və İran Hərbi Qüvvələri tərəfindən tutulmalarını qeyd etdi. B.Ecevit bildirdi ki,Türkiyə son hadisələri araşdırmaq üçün İran dövləti ilə birgə komissiya yaradıb.
O qeyd etdi ki, İran dövləti Türkiyəni onun daхili işlərinə müdaxilə etməkdə təqsirləndirir.