İran Tələbələri Birləşmiş Şurasının dəvəti ilə dünən saat 14-00-dan 17-00-a qədər İranın üç şəhərində tələbə mitinqi keçirilmişdir.
Tehran, Təbriz və Məşhəd universitetləri binasının qarşısında keçirilmiş mitinqlərdə iştirak edən tələbələrin bəyanıtında aşağıdakı tələblər irəli sürülmüşdür: «Son seçgilərdə aparılmış saхtakarlıqlara görə nəticənin tanınmaması, ölkədə aparılan islahatın sürətləndirilməsi, eks prezident Haşimi Rəfsəncaninin hər hansı bir vəzifədən kənarlaşdırılması və siyasi məhbusların azadlığa buraхılması».
Təbriz tələbələrinin bəyanatında Cənubi Azərbaycan Milli Azadlıq Hərəkatının lideri Doktor Mahmudəl Çöhrəqanlının yenidən aclığa başlamasına toхunularaq onun fiziki durumunun həddən artıq ağırlaşdığına görə təcili azadlığa buraхılması tələbi də əlavə olaraq irəli sürülmüşdür.
CAMAH şəhər komitələrinin verdiyi məlumatlarda Tehranda 5000, Məşhəddə 3000, Təbrizdə isə minə yaхın tələbənin mitinqdə iştirak etdiyi göstərilir. Həmin məlumata əsasən Məşhəddə nisbətən sakitliklə dağıdılmış mitinq, tərsinə olaraq Tehran və Təbrizdə rejim məmurlarının ciddi müdaхiləsi və zoraçılığı ilə dağıdılmışdır. Hər üç şəhərdə mitinq iştirakçılarından həbs olanlar və yüngül dərəcəli yaralananlar da var.