تبريز باياتيلاری آيدين تبريزلی تبريزه باخ، تبريزه، دؤشونده مين - بير گؤزه! دوستونا جان باغيشلار، دوشمَنه چؤکمز ديزه! تبريزيمين آجيسی، سايسيز قارداش - باجيسی. گولوشلری دوستونون، دوشمنيندير آجيسی! تبريزيمين ارکی وار، ارکينه مين ارکی وار! ستتارخانی يوخدورسا، ميليون - ميليون ار کی وار... تبريزه يار عئينالی، دردی دويار عئينالی. تبريزه خور باخانين، باغرين اويار عئينالی! تبريز اوستو پاياندی، پايان داغا داياندی! بير قيی ووردو کوراوغلو، دلی لری اوياندی! شيبلی تبريز اوستودور، باشی يامان توستودور. گاهدان دا بير منی دئ، قوی دئسينلر: دوستودور!