زيندان (بو شعرى مرحوم محممد بی رييا قازاخستاندا سورگونده اولارکن، تبريزه حيات يولداشينا گؤنده ردييی مکتوبدا يازيلميشدير) بی ريا باشينا دؤندويوم، قوربان اولدوغوم، دئييرسن ائوه گل، من نئجه گليم؟ گؤزل جمالينا حئيران اولدوغوم، دئييرسن ائوه گل، من نئجه گليم؟ اوزومو بو قدر دانلاما، بسدی! بيليرسن، فلکين ايشلری نحثدی! گليرديم، يولومو «ک۰ ق۰ ب» کسدی! دئييرسن ائوه گل، من نئجه گليم؟ لاگئرين دؤوره سی چپردی واللاه! هر يانا باخيرام، خطردی واللاه! بوردان خيلاص اولماق هونردی واللاه! دئييرسن ائوه گل، من نئجه گليم؟ چپرين داليندا دوروب نيگهبان، قاباقدا اؤلومدور، آرخادا زيندان، قاداسين آلديغيم يارِ مئهريبان، دئييرسن ائوه گل، من نئجه گليم؟ آديم محممددير، اؤزوم ريياسيز، هله چيخماميشام سنه وفاسيز! منی بوراخمايير توتان حاياسيز! دئييرسن ائوه گل، من نئجه گليم؟