||| جاماح ||| South Azerbaijan National Liberation Movement
  Azərbaycan türkcəsində | English version | فارسی / عرب اليفباسی ايله  
جاماح
جاماح

ويدئو آرشيو
جاماحين پيکئتلری، تئلئويزييا کاناللاريندان خبرلر، جانی موصاحيبه لر و ساعاتلارلا ويدئو فيلملر
قروپوموز
واحيد آذربايجان
خبر آرشيوی
جاماحين ۱۰ ايلليک خبر آرشيوی گونئی آذربايجانين ان بؤئوک خبر مرکزی اولاراق، عينی ايله خيدمتينيزده
جنوب ادبياتی
جنوبی آذربايجان ادبياتينی تمثيل ائدن بير سيرا شاعير و يازيچيلارين ياراديجيليغيندان نومونه لر
فوتو آرشيوی
فوتو آرشيويميزدن
قاراباغ
۲۰۰۲ - جی ايلده جاماحين قاراباغ موحاريبه سينده ايشتيراک ائتمه يه حاضيرليق کامپانياسيندا ايشتيراک ائدن سويداشلاريميزين سياهيسی
باکی
باکينين هاوا دورومو
جاماح- ين مرامنامه سى


مقصد و فعالييَت فورماسى
جاماح بيرلشميش ميللتلر تشكيلاتينين (ب.م.ت) و ديگر بئين الخالق تشكيلاتلارين ميللى و وطنداشليق حوقوقلارى حاققيندا قبول ائتدييى نورمالار اساسيندا جنوبى آذربايجان توركلرينين ميللى و شخصى حوقوقلارينين گئرچكلَشديريلمه سى اوغروندا موباريزه آپارير.
جاماح بئين الخالق دئموكراتيك تشكيلاتلارلا، فارس شووينيزمينين اسارتينده اولان خالقلارين، او جومله دن شووينيست سيياسَتين نَتيجه سينده ضرر چكن فارسلارين دئموكراتيك قووه لرى ايله، ائله جه ده جنوبى آذربايجاندا ميللى آزادليق و دئموكراتييا اوغروندا موباريزه آپاران مؤوجود قووه لرله قارشيليقلى علاقه ده، لاكين تام موستَقيل مرامنامه، نيظامنامه و تشكيلاتى قورولوشلا آذربايجاندا موستقيل و دئموكراتيك دؤولتين برقرار ائديلمه سى اوغروندا موباريزه آپارير.
جاماح جنوبى آذربايجان توركلرينين ميللى-سيياسى ايستيقلالييه تينه نائيل اولماقلا ياناشى جنوبى آذربايجان وطنداشلارينين شخصى، ايقتيصادى، سيياسى، سؤز، مطبوعات، حركات، عقيده، مشغولييَت، مدنييَت و ساييره آزادليغينى تاًمين ائتمه يه قادير اولان ايقتيصادى-سيياسى پروقرام ايره لى سوروب، بو پروقرامى گئرچكلَشديرمك عزمينده دير.
جاماح اؤز مرامنامه سينى گئرچكلشديرمك اوچون دينج موباريزه فورمالاريندان، يعنى اؤز مرامينين تبليغى، بايكوت، پيكئت، دينج نوماييش، تعطيل و پارلامئنت موباريزه لرى فورمالاريندان ايستيفاده ائتمه يه اوستونلوك وئرير. لاكين مؤجود ايستيبداد رئژيمى بو دئموكراتيك موباريزه فورمالارينا ايمكان وئرمه دييى حالدا، جاماح ميللى آزادليق اوغروندا مورتَجع رئژيمله سيلاحلى موباريزه آپارماق حوقوقونو اؤزونده ساخلايير.



مؤوجود رئژيم دينج دانيشيقلار يولو ايله جنوبى آذربايجان توركلرينين ميللى حوقوقلارينى تانيديغى حالدا:
جاماح - ين سيياسى مرامى

جنوبى آذربايجانا ايران دؤولتى چرچيوه سينده جنوبى آذربايجانين بوتون تاريخى تورپاقلارينى احاطه ائدن مكاندا موختار رئسپوبليكا استاتوسونون وئريلمه سى.
جنوبى آذربايجان موختار رئسپوبليكاسينين موستقيل آناياساسينين، هيمنينين و بايراغينين تصديق ائديلمه سى.
جنوبى آذربايجان موختار رئسپوبليكاسينين قانون وئريجي، محكمه و ايجرا اورقانلارينين موستقيل لييى.
جنوبى آذربايجان موختار رئسپوبليكاسينين موستقيل آناياسا محكمه سينين ياراديلماسى.
جنوبى آذربايجان موختار رئسپوبليكاسيندا آذربايجان توركجه سينين دؤولت ديلى اعلان ائديلمه سى. فارس بؤلگه لرينده آذربايجان توركجه سينين تبليغ و تدريس ائديلدييى حجم و دَرَجه ده جنوبى آذربايجان موختار رئسپوبليكاسيندا فارس ديلينين تبليغ و تدريس ائديلمه سى.
جنوبى آذربايجان موختار رئسپوبليكاسينا بوتون دونيا دؤولتلرى ايله موستقيل مَدَنى، ايقتيصادى علاقه لر قورماق حوقوقونون وئريلمه سى.
جنوبى، شيمالى آذربايجان تورگلرينه و باشقا اؤلكه لرده ياشايان آذربايجانليلارا جنوبى آذربايجان موختار رئسپوبليكاسى و شيمالى آذربايجان رئسپوبليكاسى اراضيسينده ايكيلى وطنداشليق حوقوقونون وئريلمه سى.
جنو بى آذربايجان موختار رئسپوبليكاسينين رسمى دينى ايسلامدير. لاكين دين دؤولتدن آيريدير. دوؤلت مئخانيزمى لائيك و دونيوى ده يه رلر اساسيندا قورولماليدير.
شيمالى آذربايجان و توركييه جومهورييه تى ايله موناسيبتلر ايستيثنا ائديلمكله خاريجى سيياست مسئله لرينين حل ائديلمه سى صلاحييه تينين مركزى دؤولتين ايختييارينا وئريلمه سى.
شيمالى آذربايجان و توركييه جومهورييه تى ايله اولان سرحدلر ايستيثنا اولماقلا جنو بى آذربايجان موختار رئسپوبليكاسينين باشقا دؤولتلرله اولان سرحدلرينين مودافيعه سى مركزى دوؤلتين ايختيياريندا اولان قوشون نؤوعلرينين عؤهده سينه تاپشيريلماسى.
پول كسمك حوقوقونون مركزى دؤولتده اولماسى.



سيلاحلى موباريزه يولو ايله جنوبى آذربايجان آزاد ائديلدييى حالدا:
جاماح - ين سيياسى مرامى

جنوبى آذربايجان رئسپوبليكاسينين اعلان ائديلمه سى.
دونيَوى ده يه رلر اساسيندا جنوبى آذربايجان رئسپوبليكاسي آناياساسينين قبول ائديلمه سى. آناياسادا جنوبى آذربايجان رئسپوبليكاسينين باشقا دؤولتلرله اؤز موناسيبتلرينى ب.م.ت -نين نيظامنامه سينه اويغون صولح و امكداشليق سيياستى اوزه رينده قورولان نئيترال و دئموكراتيك دؤولت استاتوسونون عكس ائتديريلمه سى.
بوتون سَوييه لرده مورتجع "دين خاديملرينين" حاكيمييَتينى لغو ائديب، حاكيمييَتى موستقيل دونيَوى، دئموكراتيك قانون وئريجى، ايجرا و محكمه اورقانلارينا آييرماق.
بوتون قبيللردن اولان دونياگؤروشله رينين تام و برابر حوقوقلو مؤوجودلوغونا تاًمينات وئريلمه سى.
پئشه كار ميللى مودافيعه قوشون نؤوعلرينى ياراتماق.
حاكيمييَت اورقانلارينين بوتون سَوييه لرينده سئچكيلرين عومومى، برابر، بيرباشا و گيزلى سس وئرمه يولو ايله كئچيريلمه سينه قادير اولان سئچكى سيستئمينين ياراديليب، تطبيق ائديلمه سى.
جنوبى آذربايجان رئسپوبليكاسى وطنداشى اولان بوتون ميللى آزليقلارا (فارس، كورد و ساييره) اؤز ديل و مَدَنييَتينين موستقيل و مانيعه سيز اينكيشاف ائتديريلمه سينه تاًمينات وئرمك.
وطنداشلارين سيياسى و ايجتيماعى تشكيلاتلارينين، مطبوعات و نشرييات واسيطه لرينين ياراتماق حوقوقونون كئرچكلشديريلمه سينه تاًمينات وئرمك.
خاريجى اؤلكه لرده ياشايان آذربايجانليلارا ايكيلى وطنداشليق حوقوقونون وئريلمه سى.



جاماح- ين ايقتيصادييات ساحه سينده مرامى

جنوبى آذربايجان وطنداشلارينين شخصى (خوصوصى) مولكييَتينين توخونولمامازليغينى اعلان و تاًمين ائتمك.
ايمپئرييا دؤولتينين الينده جمعلَنميش ميللى ادبى - بديعى، تاريخى، علمى سندلرين، اثرلرين و صنعت نومونه لرينين جنوبى آذربايجان رئسپوبليكاسين قايتاريلماسى.
ايمپئرييا دؤولتينين الينده جمعلَنميش واليوتا (ارز)، ايستئحصال، علمى، حربى تئخنيكا و دؤولت مولكييَتينده اولان باشقا املاكين دَيَرينين ايمپئرييا اراضيسينده ياراناجاق ميللى دؤولتلرين اهاليسينين سايينا گؤره بؤلوشدورولوب، ميلليلَشديريلمه سى.
بؤلوشدورولمه سى مومكون اولمايان، دؤولتين ايداره ائديلمه سى اوچون ضرورى اولان مولكييَتدن باشقا، قالان ميللى مولكييَتين ده يه رينين سهيم لر شكلينده قانونى ياشا چاتميش جنوبى آذربايجان وطنداشلارى آراسيندا بلوشدورولمه سينى تاًمين ائتمك.
هر بير وطنداشين آزاد بازار و آزاد رقابت شراييطينده آزاد صاحيبكارليقلا مشغول اولماسينا تاًمينات اوچون هر ايل قانونى ياشا چاتان وطنداشلارا ايجتيماعى مولكييَتدن قئيد- شرطسيز و عوضى اؤده نيلمه دن شخصى مولكييَت پايينين وئريلمه سينى تاًمين ائتمك.
رقابتده موفليسله شن وطنداشلارين يئنيدن آزاد صاحيبكارليقلا مشغول اولماسى اوچون ايجتيماعى مولكييَتدن سَلمسيز بورج وئريلمه سينى تاًمين ائتمك.
ميللى بانك ياراتماق.
ميللى پول واحيدى ياراتماق.
چئويك و حَسساس گؤمروك سيستئمى ياراديب، تطبيق ائتمك.
موتَرَققى وئرگى سيستئمى ياراديب، تطبيق ائتمك.
رئسپوبليكانين قانونى ياشا چاتمان بوتون وطنداشلارينا منزيل تيكمك اوچون پولسوز شخصى تورپاق مولكييَتى پايى وئريلمه سينى تاًمين ائتمك.
تورپاق اينحيصارينى ايستيثنا ائديب، هر ايل قانونى ياشا چاتان وطنداشلارا منزيل تيكينتيسى اوچون عوضى اؤده نيلمه دن شخصى تورپاق مولكييه تى وئريلمه سينى تاًمين ائدن موتَحَرريك تورپاق بؤلگوسو سيستئمى تطبيق ائتمك.
ايقتيصاديياتين بوتون ساحه لرينده ميللى و شخصى (خوصوصى) مولكييَتين، او جومله دن تورپاغين وطنداشلار طرفيندن ايستئحصال مقصدى ايله ايجرا ائديلمه سينه قويولان مانيعه لرين لغو ائديلمه سى.
يئيه سيز اوشاقلارين قانونى ياشا چاتانادك ساخلانيلماسى.
كيمسه سيز، مولكييَتسيز، امك قابيلييه تى اولمايان قوجالارين، عليل لرين ساخلانيلماسى و موعاليجه سينه دؤولت تاًميناتى وئريلمه سى.
اؤزَل مكتبلرله ياناشى دؤولت حسابينا ايجبارى اورتا تحصيل سيستئمينين تطبيق ائديلمه سى.
اؤزَل عالى تحصيل و طيبب خيدمَتى سيستئمى ايله ياناشى اهالينين مينيموم طلبله رينى اؤده يه بيله جك ميقداردا دؤولت وَساييطى حئسابينا عالى تحصيل و طيببى خيدمت اوجاقلارينين ياراديلماسى.
موزدلا ايشله ين اوشاقلى آنالارا 8 ساعاتليق ايش گونو اوچون امك حاققينين تام اؤده نيلمه سى شرطى ايله 4 ساعاتليق ايش گونو حوقوقونون تاًمين ائديلمه سى.



جاماح - ين استراتئگيياسى

جاماحين عالى مَقصدى وحيد، موستقيل و دئموكراتيك آذربايجان دؤوله تينين ياراديلماسيدير. لاكين دونيانين مؤوجود قلوبال سيياسى- حربى دورومونو نَظره آلاراق، ايران دؤولتينين صولح يولو ايله جنوبى آذربايجان توركلرينين ميللى حوقوقلارينى جاماحين مَرامنامه سينين ايكينجى مادده سينده نظرده توتولان چَرچيوه ده تاًمين ائتدييى حالدا، جاماح آشاغيداكى استراتئگييايا عمل ائده جك.
جاماح دئموكراتيك سئچكيلر واسيطه سى ايله حاكيمييَته گلدييى تقديرده اؤز ايقتيصادى- سيياسى مَرامينى گئرچگلشديرمك شرطى ايله باشقا سيياسى قووه لرله امكداشليق ائده جك.
جاماح باشقا سيياسى قووه لرله كواليسييا حؤكومتى تشكيل ائتدييى تقديرده اؤز ايقتيصادى- سيياسى مَرامينين تام و يا بير حيصصه سينين گئرچگلشديريلمه سى شرطى ايله اونلارلا امكداشليق ائده جك.
جاماح حاكيمييَتده اولماديغى تقديرده اؤز ايقتيصادى- سيياسى مَرامينين تام و يا بير حيصصه سينين گئرچكلشديريلمه سى شرطى ايله حاكيم قووه لرله امكداشليق ائده جك. ديگر حاللاردا جاماح آكتيو موخاليفت مؤوقئعينده دوراجاق.




جاماح - ين تاكتيكاسى

جاماح حاكيمييَته گلديكده، دئموكراتيك ايصلاحاتلار آپاراجاق.
ديگر حاللاردا كواليسيون اورقانلاردان ايستعفا وئره رك، پارلامئنتده دئموكراتيك قووه لرين موخاليفت بلوكونو ياراداجاق. مورتجع قرار و قانونلارين مطبوعات و سايير واسيطه لرله جمعييه ته آشكارلاياراق، آلتئرناتيو تكليف لاييحه لر ايره لى سوره جك، پيكئتلر، ميتينك لر و اعتيراض نوماييشلرى كئچيره جك.


تشکيلات
ايضاح
نيظامنامه
مرامنامه
صدای آذربايجان
نشريه «صدای آذربايجان» ارگان جاماح، روزهای جمعه هر هفته بزبانهای ترکی آذربايجانی و فارسی منتشر ميشود.
جاماحين شهيدی
جنوبی آذربايجان ميللی آزادليق حرکاتينين ايلک شهيدی
فونتلار
عرب اليفباسينی دستکله ين فونتلار
علاقه
تشکيلاتين و سايتين مسئوللاری ايله علاقه ساخلايا بيلرسينيز
آختاريش
بيزيم سايتدا و عوموميتله اينترنت سيستمينده آختاريش موتورو
لينکلر
آذربايجانلا باغلی تؤوصيه ائديلن لينکلر
تبريز
22 May 2006
تبريز
تبريزين هاوا دورومو

  www.camah.com/en? Add to favorites ارتباط جستجو Powered by: Analytical Information Center of SANLM    The use of images and content on this website is completely free- 2002- 2018