Azərbaycan türkcəsində | English version | فارسی / عرب اليفباسی ايله  
CAMAH
CAMAH

Video arxiv
CAMAH-ın piketləri, TV kanallarından xəbərlər, canlı müsahibələr və saatlarla video filmlər
Təşkilat
İzah
Nizamnamə
Məramnamə
Xəbər arxivi
CAMAH-ın 10 illik xəbər arxivi Güney Azərbaycanın mövcud ən böyük xəbər mərkəzi olaraq, eyni ilə xidmətinizdə
Ədəbiyyatı
Cənubi Azərbaycan ədəbiyyatını təmsil edən şairlərin yaradıcılığından parçalar
Qarabağ
2002-ci ildə Qarabağ müharibəsində iştirak etməyə hazırlıq kampaniyasına qatılanların siyahısı
Foto arxiv
Foto arxivimizdən nümunələr
Bakı
Bakinin hava durumu
YAŞA TALEYİM !
(Bakı səfəri münasibətilə yazılmış şerlər silsiləsindən)
Kərim Sönməz


Bir ömür vəfalı yoldaşım kimi,
Yaşadın mənimlə qoşa taleyim!
Bu ömrü mən özüm yaşayammazdım,
Məni sən yaşatdın, yaşa taleyim!

Gecəni-gündüzü xəyala daldım,
Bir itgin sevdanın sorağın aldım,
Nə qədər xoşbəxtəm, ölmədim, qaldım,
Çatdı intizarım başa, taleyim!

Budur, mən alovlar ocağındayam,
Bakının mehriban qucağındayam,
Qış ikən, ömrümün şən çağındayam,
Var yeri ilhamım coşa, taleyim!

Özüm də bilmirəm necə gəlmişəm,
Gündüzmü gəlmişəm, gecə gəlmişəm,
Axı mən nəyəm ki, vecə gəlmişəm!
Az qalır ağlım da çaşa, taleyim!

Yaza meydan oxur bu payız çağım,
Ulduza bat! -deyir ümid çırağım,
Elə çağlayır ki, sevinc bağlarım,
Az qalır başımdan aşa taleyim!

Qırx illik həsrətlər qovuşan kimi,
Biz qucaqlaşırıq tapışan kimi,
Göy ulduz yağdırır kəhkişan kimi,
Duyğular gələndə cuşa taleyim!

Sözləri səslənir öz sözüm kimi,
Vətənə sevgidə lap özüm kimi,
Nə qədər doğmadır Təbrizim kimi,
Bu Şəki, Şamaxı, Şuşa, taleyim!

Sanıram Əhərdə, ya Muğandayam,
Gah dağı gəzirəm, gah arandayam,
Sankı Səhənddəyəm, Savalandayam,
Baxanda hər dağa, daşa, taleyim!

Qrupumuz
Vahid Azərbaycan qrupu
CAMAH-ın şəhidi
Cənubi Azərbaycan Milli Azadlıq Hərəkatının ilk şəhidi
Əlaqə
Təşkilatın və saytın məsulları ilə əlaqə saxlaya bilərsiniz
Təbriz
Tebrizin hava durumu

  Açılış səhifəsi et Seçilmişlərə əlavə et Əlaqə Saytda axtarış Powered by: Analytical Information Center of SANLM    The use of images and content on this website is completely free 2002 - 2018